Pensiya yaşında yenilik
İyulun 1-dən Azərbaycanda qadınların pensiya yaşı 63 yaş yarıma yüksəlib. Novator.az bildirir ki, 2017-ci il iyulun 1-dək kişilər 63, qadınlar 60 yaşında pensiyaya çıxırdı. Həmin gündən kişilərin yaş həddinin 2021-ci il iyulun 1-dək, qadınların yaş həddinin 2027-ci il iyulun 1-dək hər il 6 ay artırılmasına başlanıb. Hazırda kişilər 65 yaşda pensiyaya çıxır. 2027-ci il iyulun 1-dək qadınların da pensiya yaşı 65-ə qalxacaq.
Pensiyaya çıxmaq üçün ya 25 il sığorta stajı, ya da minimum pensiya kapitalı (2023-cü il üçün 40320 manat) tələb olunur. 2006-cı il yanvarın 1-dən 2018-ci il iyulun 1-dək hər hansı məbləğdə pensiya kapitalı toplamış şəxsin sosial sığorta stajı avtomatik 25 il hesablanır, əks halda pensiya yaşı çatan şəxsə yaşa görə 220 manat müavinət verilir.
Ölkədə minimum pensiya 280 manatdır.
