Turizm hesabatı
2023-cü ilin yanvar-may aylarında Azərbaycana 176 ölkədən 713 min əcnəbi gəlib. Hesabatı Dövlət Sərhəd Xidmətinin məlumatına istinadla Dövlət Statistika Komitəsi yayıb.
Rəsmi bilgiyə görə, gələnlərin 32,4 faizi Rusiya, 20 faizi Türkiyə, 8,1 faizi İran, 5,2 faizi Gürcüstan, 4,9 faizi Hindistan, 2,3 faizi Pakistan, 2,2 faizi Qazaxıstan, 2,1 faizi Birləşmiş Ərəb Əmirlikləri, 2 faizi Səudiyyə Ərəbistanı, qalanları başqa ölkələrin vətəndaşlarıdır.
Beş ayda xarici ölkələrə gedən Azərbaycan vətəndaşlarının sayı 633,6 min nəfər göstərilir: onların 39 faizi Türkiyəyə, 24,3 faizi Rusiyaya, 9,4 faizi Gürcüstana, 7,9 faizi İrana, 19,4 faizi başqa ölkələrə səfər edib.
