Boşanma 1941-ci ildən bəri ən yüksək həddə çatıb
Dövlət Statistika Komitəsi 2023-cü il mayın 1-nə Azərbaycan əhalisinin hər 1000 nəfərinə boşanma sayını 2,1 göstərib. Novator.az bildirir ki, bu, 1941-ci ildən sonra ən yüksək rəqəmdir.
Rəsmi əhali hesabatına görə, sovet dövrünə düşən 1935-ci ildə Azərbaycanda hər 1000 nəfərə 4,9 boşanma qeydə alınıb. 1936-cı ildə göstərici 3,8-ə, 1937-ci ildə 2,7-yə enib, 1938 və 1939-cu illərdə 3-ə, 1940-cı ildə 3,1-ə yüksəlib, 1941-ci ildə 2,3 olub.
Sovet dövrünün qalan illərində ən yüksək göstərici 1943-cü ilə düşüb – hər 1000 nəfərə 2 boşanma.
Dövlət müstəqilliyinin bərpa olunduğu 1991-ci ildə hər 1000 nəfərə 1,5 boşanma qeydə alınıb. 1992-ci ildə göstərici 1,3-ə, 1993-cü ildə 0,9-a, 1994-cü ildə 0,8-ə enib.
1995, 1996, 1998, 2000, 2001 və 2002-ci illərdə hər 1000 nəfərə 0,7, 1997-ci ildə 0,8, 1999-cu ildə 0,6 boşanma rəsmiləşib.
2003 və 2004-cü illərin göstəricisi 0,8 olub.
2005-ci ildə hər 1000 nəfərə 1,1, 2006, 2008 və 2009-cu illərdə 0,9, 2007 və 2010-cu illərdə 1 boşanma düşüb.
2011 və 2012-ci illərin göstəricisi 1,2, 2013, 2014 və 2015-ci illərin göstəricisi 1,3-dür.
2016-cı ildə hər 1000 nəfərə 1,4, 2017, 2018 və 2020-ci illərdə 1,5, 2019 və 2021-ci illərdə 1,7, 2022-ci ildə 1,6 boşanma rəsmiləşib.
2023-cü ilin yanvar-aprel aylarında Azərbaycanda 6920 boşanma qeydə alınıb. Bu, ötən ilin eyni dövrünə nəzərən 40 faiz çoxdur.
