Pensiyalarda mümkün artım
Azərbaycanda pensiyalar orta aylıq nominal əməkhaqqının illik artım tempinə uyğun indeksləşdirilir. Novator.az bildirir ki, Dövlət Statistika Komitəsinin hesabatına görə, yanvar-aprel aylarında orta maaş 2022-ci ilin eyni dövrü ilə müqayisədə 10,8 faiz artıb.
Ölkədə kişilər 65, qadınlar 63 yaşda pensiyaya çıxır. 2027-ci il iyulun 1-dək qadınların da pensiya yaşı 65-ə qalxacaq.
Pensiyaya çıxmaq üçün ya 25 il sığorta stajı, ya da minimum pensiya kapitalı (2023-cü il üçün 40320 manat) tələb olunur. 2006-cı il yanvarın 1-dən 2018-ci il iyulun 1-dək hər hansı məbləğdə pensiya kapitalı toplamış şəxsin sosial sığorta stajı avtomatik 25 il hesablanır, əks halda pensiya yaşı çatan şəxsə yaşa görə 220 manat müavinət verilir.
2023-cü il aprelin 1-nə pensiyaçıların sayı 1 milyon 101,9 min nəfər, pensiyaların orta məbləği 432,3 manat göstərilib.
Minimum pensiya 280 manatdır.
