Naxçıvan proqramı təsdiqlənib
İyunun 5-də sərəncam imzalayan prezident İlham Əliyev Naxçıvan Muxtar Respublikasının sosial-iqtisadi inkişafına dair dövlət proqramını təsdiqləyib. 2023-2027-ci illəri əhatə edən proqramda nəzərdə tutulmuş tədbirlərin həyata keçirilməsini əlaqələndirmək Nazirlər Kabinetinə, tədbirlərin icrasının monitorinqi və qiymətləndirilməsi İqtisadi İslahatların Təhlili və Kommunikasiya Mərkəzinə tapşırılıb.
Naxçıvan Muxtar Respublikası Azərbaycanın tərkibində muxtar dövlətdir. Bölgədə qanunvericilik hakimiyyətini Ali Məclis, icra hakimiyyətini yerli Nazirlər Kabineti həyata keçirir.
2022-ci il dekabrın 21-dən Ali Məclisin sədri postu boşdur. Dekabrın 22-də Naxçıvan Muxtar Respublikasında prezidentin səlahiyyətli nümayəndəliyi yaradılıb, Fuad Vahid oğlu Nəcəfli səlahiyyətli nümayəndə təyin edilib.
