Boşanmanın çox olduğu bölgələr
Dövlət Statistika Komitəsinin demoqrafik hesabatına görə, 2023-cü ilin ilk rübündə ölkədə 5118 boşanma qeydə alınıb. Bu, ötən ilin yanvar-mart aylarına nəzərən 33,3 faiz çoxdur.
Novator.az bildirir ki, ilk üç ayda hər 1000 nəfərə 2 boşanma rəsmiləşib (ötən ilin eyni dövründə – 1,5). Bakıda bu göstərici 3 olub. Paytaxtın 10 rayonunda rəqəmlər daha yüksəkdir: Səbaildə hər 1000 nəfərə 4, Yasamalda 3,9, Xətaidə 3,8, Suraxanıda 3,7, Qaradağda 3,6, Nərimanovda 3,2, Nəsimidə 2,5, Binəqədidə 2,4, Sabunçuda 2,3, Xəzərdə 2,1 boşanma düşüb.
Xocalıda hər 1000 nəfərə boşanma 3,9, Qubadlı və Naftalanda 3,3, Sumqayıtda 2,7, Gəncə və Şabranda 2,6, Mingəçevir və Şuşada 2,5, Cəbrayılda 2,3, Ağdam, Ağdaş, Füzuli, Göygöl və Xızıda 2,2, Balakən, Xaçmaz və Qaxda 2,1-dir.
