Dövlət Statistika Komitəsi makroiqtisadi hesabat yayıb. Rəsmi məlumata görə, 2023-cü ilin yanvar-aprel aylarında kənd təsərrüfatının ümumi məhsulu ötən ilin eyni dövrü ilə müqayisədə 3,5 faiz artıb.

Nəqliyyat sektorunda yük daşınmasının 5,9 faiz, sərnişin daşınmasının 19,2 faiz yüksəldiyi bildirilir.

İnformasiya və rabitə xidmətlərinin həcmində artım 12,1 faiz, ictimai iaşə dövriyyəsində real ifadədə 24,9 faiz, əhaliyə göstərilən ödənişli xidmətlərin dəyərində real ifadədə 11,9 faiz göstərilir.

Hesabata əsasən, əhalinin gəlirləri nominal ifadədə 15 faiz artıb, dörd ayda dövlət büdcəsinə 12 milyard 165 milyon manat vəsait daxil olub, büdcədən 8 milyard 929,8 milyon manat vəsait xərclənib.

Aprelin 1-nə bank və digər kredit təşkilatlarının kredit portfeli milli valyuta ekvivalentində 20 milyard 664,9 milyon manat, əhalinin banklardakı əmanətlərinin milli valyuta ekvivalentində məbləği 11 milyard 964,4 milyon manat olub.

Bazar nə qədər bahalaşıb?

Sərməyə nə qədər artıb?

Sənayedə düşmə və yüksəliş

Ümumi daxili məhsulun dörd ayı, tarixi

Ticarət açıqlamaları

Rəsmi: orta maaş 901 manatı ötüb