Rəsmi: orta maaş 901 manatı ötüb
2023-cü ilin ilk rübündə Azərbaycanda muzdlu işçilərin orta aylıq nominal əməkhaqqı ötən ilin eyni dövrünə nisbətən 11,4 faiz artaraq 901,3 manata çatıb. Hesabatı Dövlət Statistika Komitəsi yayıb.
Aprelin 1-nə muzdlu işçilərin sayı 1 milyon 736,3 min nəfər göstərilib, onların 904,1 min nəfəri dövlət sektorunda, 832,2 min nəfəri qeyri-dövlət sektorunda çalışıb.
Novator.az bildirir ki, Azərbaycanda bütün pensiyalar orta aylıq nominal əməkhaqqının illik artım tempinə uyğun indeksləşdirilir.
Fevralın 1-dən minimum pensiya 280 manatdır.
Ölkədə kişilər 65, qadınlar 63 yaşda pensiyaya çıxır. 2027-ci il iyulun 1-dək qadınların da pensiya yaşı 65-ə qalxacaq.
