Şuşada açılışlar
Prezident İlham Əliyev və birinci vitse-prezident Mehriban Əliyeva mayın 9-u Şuşada açılış və təməl mərasimlərində iştirak ediblər. AZƏRTAC bildirir ki, “Azərişıq” ASC-nin Şuşa Elektrik Şəbəkələrinin İnnovativ Texnologiyalar Mərkəzi və Atatürk küçəsinin lövhəsi açılıb, Qarabağ və Sadıqcan küçələrində görüləcək işlər barədə məlumat verilib.
Qarabağ küçəsində qeyri-yaşayış binasının təməli qoyulub, Molla Pənah Vaqif və Pənahəli xan küçələrinin kəsişməsində lövhələr açılıb.
Cıdır düzündə Mir Möhsün Nəvvab Qarabağinin bərpa olunan məzarının ziyarət edildiyi, Mehmandarovların malikanə kompleksinin açıldığı vurğulanır.
Dövlət başçısına və birinci vitse-prezidentə xüsusi nümayəndəliyin inzibati binasının qarşısındakı meydanda həyata keçiriləcək işlər barədə də məlumat verilib.
