Savab iş ümidində…
İqtisadçı Rövşən Ağayev Türkiyə Statistika Qurumunun bir hesabatına nəzər salıb. O yazır ki, hesabata görə, 2022-ci ildə ən zəngin 20 faiz əhalinin milli gəlirdən aldığı pay 1,3 faiz artaraq 48 faizə çatıb, ən yoxsul 20 faizə milli gəlirdən çatan pay isə 0,1 faiz azalaraq 6 faizə enib.
Ekspert qeyd edir ki, resurs və renta gəlirləri hesabına ağlasığmaz gəlir bərabərsizliyinin yarandığı Azərbaycanda analoji statistikanı açıqlamamaqda israr edirlər: “Söhbət saxta və formal göstəricinin yox, sərvət və gəlir qeyri-bərabərliyini gerçək əks etdirməkdən gedir. Nə zamansa bu işi görən siyasi qüvvə olsa, ən savab işlərdən birini görmüş olacaq”.
