Biabırçılıqdan xilas
AXCP sədri Əli Kərimli məhbus partiyadaşı Zamin Salayevdən yazıb.
Bakı İstintaq Təcridxanasında saxlanan Zamin Salayev AXCP Salyan şöbəsinin sədridir. O, fevralın 7-si Bakıda tutulub, silah tətbiq etməklə xuliqanlıqda təqsirli bilinir. Rəsmi iddiaya görə, cəbhəçi həmin gün paytaxt sakini Natiq Süleymanova bıçaqla xəsarət yetirib. İstintaqı Qaradağ Rayon Polis İdarəsi aparıb.
Zamin Salayev ittihamı qəbul etmir, tutulduğu gündən aclıq aksiyası keçirir.
Qaradağ Rayon Məhkəməsi Zamin Salayevin işi üzrə hazırlıq iclasını mayın 2-nə təyin edib.
Novator.az-ın məlumatına görə, Əli Kərimli Zamin Salayevə ittihamın saxtalığının tam üzə çıxdığını vurğulayır: “Vəkil Nemət Kərimli ortaya elə bir fakt qoyub ki, Zamin bəyin şərləndiyinə şübhə qalmır. İttihama əsasən, guya Zamin bəy Lökbatan dairəsində bir şəxsə bıçaqla xəsarət yetirərək xuliqanlıq edib. Cinayət hadisəsinin guya baş verdiyi yerdə, təxminən 30 metr radiusunda səkkiz müşahidə kamerası var, onların ikisinin çəkiliş radiusu təxminən 500 metrdir. Lakin Daxili İşlər Nazirliyindən verilən məlumata görə, kameralar işlək vəziyyətdə olmayıb. Çox sadə məntiq deyir ki, cinayət törədilən balaca bir ərazidə səkkiz müşahidə kamerasının heç birində çəkiliş yoxdursa, ya bu cinayəti elə kameraları söndürmək səlahiyyəti olan rəsmilər özü törədib, ya da bu cinayət hadisəsi heç olmayıb, uydurulub. İndiki halda Zamin bəyin törətdiyi iddia olunan cinayət hadisəsi heç olmayıb. İttiham saxtadır və tam olaraq uydurulub. Kamera görüntüləri də ona görə “yoxa çıxıb” ki, cinayətin olmadığını sübut edəcəkdi.
Azərbaycan hakimiyyəti özünü bu qədər rüsvay etməməlidir. Zamin bəyi azad edib özünü də, toplumu da bu biabırçılıqdan xilas etməlidir”.
Zamin Salayev 2020-ci il aprelin 20-dən 2022-ci il yanvarın 19-dək ağır cinayətdə ittiham etməklə böhtan və təhqir ittihamı ilə həbsdə yatıb, siyasi məhbus sayılıb. Həmin həbsdən bir müddət öncə Zamin Salayev sosial şəbəkədə video yayaraq Salyan Rayon Polis İdarəsinin bölmə rəisi, polis kapitanı Həmzə Əzizovu bir qadına münasibətdə qanunazidd hərəkətlərdə günahlandırıb. Bundan sonra Həmzə Əzizov Salyan Rayon Məhkəməsində xüsusi ittiham qaydasında iddia qaldıraraq Zamin Salayevin cinayət məsuliyyətinə cəlb olunmasını istəyib.
AXCP sədri Zamin Salayevdən yazıb
Zamin Salayev: məhkəmə qərar verdi
Zamin Salayev qərarından dönmür
Zamin Salayev 8 kiloqram arıqlayıb
Əli Kərimli: “Biganə qalmamalıyıq”
Zamin Salayev oğluna nədən gileylənib?
Əli Kərimli Zamin Salayevə müraciət edib
Vəkil Zamin Salayevə baş çəkib
“Bu zorakılıq dövlətimizi hörmətdən salır”
Zamin Salayev qərarından şikayət verilib
Əli Kərimli Zamin Salayevə səsləndi
Zamin Salayevin istintaqı bitib
Milli Şuranın Zamin Salayevə müraciəti
