Sahibkarın müsibət tarixçəsi
İqtisadçı Rövşən Ağayev kiçik sahibkarlıqla məşğul olan dostundan yazıb: “Kifayət qədər işgüzar şəxsdir. İmkan düşdükcə biznes mühitində baş verənləri ilk mənbədən öyrənmək üçün onunla müzakirə aparıram. Təkcə ticarət etmir, imkan düşdükcə satınalmalara da qatılır – yəni yetərincə məlumatlı və təcrübəlidir. Vergi və satınalma qanunvericiliyini beş barmağı kimi bilir.
Son vaxtlar ölkə xaricində iş qurur, sərmayəsini xaricdə saxlamağa çalışır. Səbəbini mühitin getdikcə daha da pisləşməsi ilə izah edir.
Təhlükəsizliyini əsas gətirərək detalları yazmamağımı istəyir, amma üzləşdiyi hər problemi danışır. Dost-tanışının, ticarət etdiyi sahibkarların da üzləşdiyi problemləri nəql edir. Heyf ki, bu adamların özünə ziyan vura biləcəyimi nəzərə alaraq detallı nəsə yazmaq mümkün deyil. Amma dostumla razılaşmışıq ki, imkan olduğu qədər sahibkarların üzləşdiyi müsibətlərlə bağlı tarixçələr toplayaq. Nə zaman əlverişli mühit olsa, Azərbaycan sahibkarlarının müsibət tarixçələrinə işıq salarıq. Ən azı tarix üçün gərək olar”.
