Kövrək ümidlər
Baş Prokurorluğun daxili işlər orqanlarına məsul idarəsinin əməkdaşları aprelin 29-u Bakı İstintaq Təcridxanasında AXCP funksioneri Zamin Salayevə baş çəkərək baş prokuror Kamran Əliyevin cinayət işini şəxsi nəzarətə götürdüyünü bəyan ediblər. Novator.az-ın məlumatına görə, AXCP sədri Əli Kərimli yazır ki, bu yenilik kövrək ümidlər yaradır: “Azacıq ümid yaranır ki, Zamin Salayevin bu şəkildə öldürülməsinin ölkə üçün hansı faciəli nəticələr doğura biləcəyini hakimiyyətdə də başa düşən insanlar var. Əgər hakimiyyət həqiqətən də Zamin Salayevin qatili olmaq istəmirsə, gərək tələssin. Aclıq hər an Zamin Salayev həyatına son qoya bilər. Zamin Salayevin orqanizminin, xüsusilə də xəstə ürəyinin bu zülmə daha neçə gün dözə biləcəyini heç kim bilmir. Tələsmək, Zamin bəyi dərhal azad etmək lazımdır”.
Zamin Salayev AXCP Salyan şöbəsinin sədridir. O, fevralın 7-si Bakıda tutulub, silah tətbiq etməklə xuliqanlıqda təqsirli bilinir. Rəsmi iddiaya görə, cəbhəçi həmin gün paytaxt sakini Natiq Süleymanova bıçaqla xəsarət yetirib. İstintaqı Qaradağ Rayon Polis İdarəsi aparıb.
Zamin Salayev ittihamı qəbul etmir, tutulduğu gündən aclıq aksiyası keçirir.
Qaradağ Rayon Məhkəməsi Zamin Salayevin işi üzrə hazırlıq iclasını mayın 2-nə təyin edib.
Zamin Salayev 2020-ci il aprelin 20-dən 2022-ci il yanvarın 19-dək ağır cinayətdə ittiham etməklə böhtan və təhqir ittihamı ilə həbsdə yatıb, siyasi məhbus sayılıb. Həmin həbsdən bir müddət öncə Zamin Salayev sosial şəbəkədə video yayaraq Salyan Rayon Polis İdarəsinin bölmə rəisi, polis kapitanı Həmzə Əzizovu bir qadına münasibətdə qanunazidd hərəkətlərdə günahlandırıb. Bundan sonra Həmzə Əzizov Salyan Rayon Məhkəməsində xüsusi ittiham qaydasında iddia qaldıraraq Zamin Salayevin cinayət məsuliyyətinə cəlb olunmasını istəyib.
AXCP sədri Zamin Salayevdən yazıb
Zamin Salayev: məhkəmə qərar verdi
Zamin Salayev qərarından dönmür
Zamin Salayev 8 kiloqram arıqlayıb
Əli Kərimli: “Biganə qalmamalıyıq”
Zamin Salayev oğluna nədən gileylənib?
Əli Kərimli Zamin Salayevə müraciət edib
Vəkil Zamin Salayevə baş çəkib
“Bu zorakılıq dövlətimizi hörmətdən salır”
Zamin Salayev qərarından şikayət verilib
Əli Kərimli Zamin Salayevə səsləndi
Zamin Salayevin istintaqı bitib
