Gürcüstanın turizm gəlirləri
Gürcüstan 2023-cü ilin ilk rübündə xarici turizmdən 795,4 milyon dollar gəlir əldə edib. Novator.az-ın məlumatına görə, hesabatı ölkənin Milli Bankı yayıb.
Açıqlamada qeyd olunur ki, xarici turizmdən gəlirlər 2022-ci ilin yanvar-mart ayları ilə müqayisədə 102 faiz artıb.
Rusiyalı turistlərin üç ayda Gürcüstanda 266,4 milyon, türkiyəli turistlərin 96,3 milyon, Avropa İttifaqı məkanından turistlərin 73,2 milyon, israilli turistlərin 60,8 milyon, ukraynalı turistlərin 56,2 milyon dollar xərclədiyi vurğulanır.
Yanvar-mart aylarında ölkəyə 1,2 milyon nəfərdən çox əcnəbi gəlib, 2022-ci ilin eyni dövrü ilə müqayisədə 109,6 faiz artım qeydə alınıb. Ziyarətçilərin 845,3 min nəfərinin turistlər olduğu xəbər verilir.
