Turizmin üç ayı
2023-cü ilin yanvar-mart aylarında Azərbaycana 157 ölkədən 368,9 min əcnəbi və vətəndaşlığı olmayan şəxs gəlib, ötən ilin eyni dövrü ilə müqayisədə 49,8 faiz artım qeydə alınıb. Dövlət Sərhəd Xidmətinin hesabatına əsaslanan Dövlət Statistika Komitəsi bildirir ki, gələnlərin 32,3 faizi Rusiya, 21,5 faizi Türkiyə, 9,1 faizi İran, 5,6 faizi Gürcüstan, 4,2 faizi Hindistan, 2,7 faizi Pakistan, 2,6 faizi Birləşmiş Ərəb Əmirlikləri, 1,9 faizi Qazaxıstan, qalanları başqa ölkələrin vətəndaşlarıdır.
Üç ayda xarici ölkələrə gedən Azərbaycan vətəndaşlarının sayının 2022-ci ilin ilk rübünə nəzərən 20,2 faiz artaraq 358,6 min nəfər olduğu vurğulanır. Ölkə vətəndaşlarının 39,4 faizi Türkiyəyə, 22,9 faizi Rusiyaya, 9,6 faizi Gürcüstana, 8 faizi İrana, 20,1 faizi başqa ölkələrə səfər edib.
