Nərimanovdakı “Cümə” məscidi açıldı
Bakının Nərimanov rayonundakı “Cümə” məscidi əsaslı təmirdən və rekonstruksiyadan sonra istifadəyə verilib. AZƏRTAC xəbər verir ki, aprelin 20-də keçirilən açılış tədbirində prezident İlham Əliyev və birinci vitse-prezident Mehriban Əliyeva iştirak ediblər.
Arayışa görə, 1998-ci ildən fəaliyyət göstərmiş məscidin qəzalı vəziyyətdə olan iki minarəsi sökülərək yenidən tikilib, binada bərpa-gücləndirmə işləri yerinə yetirilib, dəstəmazxana inşa olunub, zəruri infrastruktur yaradılıb.
Eyni vaxtda 600-ə yaxın insanın ibadət edə biləcəyi məscidin birinci mərtəbəsi kişilər, ikinci mərtəbəsi isə qadınlar üçün nəzərdə tutulub.
Əvvəllər “Əbu Bəkr” məscidi kimi tanınan ibadət evi 2008-ci ildən qapalı olub, təmirə 2021-ci ildə başlanıb.
