Zamin Salayevdən nə xəbər?
Vəkil Fəxrəddin Mehdiyev aprelin 12-si Bakı İstintaq Təcridxanasında AXCP funksioneri Zamin Salayevə baş çəkib. “Turan”a danışan vəkil deyib ki, aclıq aksiyası Zamin Salayevi tam üzüb, o, sərbəst yeriyə bilmir, orqanizmində tükənmə gedir, bədənində yaralar açılır, ancaq hələ də tibbi-sanitar bölümə keçirilməyib.
Fəxrəddin Mehdiyev Zamin Salayevin aclığı dayandırmaq niyyətində olmadığını əlavə edib.
Zamin Salayev AXCP Salyan şöbəsinin sədridir. O, fevralın 7-si Bakıda tutulub, silah tətbiq etməklə xuliqanlıqda təqsirli bilinir. Rəsmi iddiaya görə, cəbhəçi həmin gün paytaxt sakini Natiq Süleymanova bıçaqla xəsarət yetirib. İstintaqı Qaradağ Rayon Polis İdarəsi aparır.
Fevralın 8-də Qaradağ Rayon Məhkəməsi Zamin Salayev barəsində 3 aylıq həbs qətimkan tədbiri seçib.
Zamin Salayev ittihamı qəbul etmir, tutulduğu gündən aclıq aksiyası keçirir.
Onun ev dustaqlığına buraxılmasına cəhdlər fayda verməyib.
Novator.az-ın məlumatına görə, AXCP sədri Əli Kərimli özünün “Facebook” səhifəsində yazır ki, aclıqla ölüm-dirim mübarizəsi verən Zamin Salayevin azyaşlı övladları var: “Zamin bəy hakimiyyətdən xalqın haqqını tələb etdiyi, el-oba təəssübü çəkdiyi, harın məmurları ifşa etdiyi üçün onu məhv etmək, övladlarını gözüyaşlı qoymaq istəyirlər. Buna imkan verməməliyik”.
Zamin Salayev 2020-ci il aprelin 20-dən 2022-ci il yanvarın 19-dək ağır cinayətdə ittiham etməklə böhtan və təhqir ittihamı ilə həbsdə yatıb, siyasi məhbus sayılıb. Həmin həbsdən bir müddət öncə Zamin Salayev sosial şəbəkədə video yayaraq Salyan Rayon Polis İdarəsinin bölmə rəisi, polis kapitanı Həmzə Əzizovu bir qadına münasibətdə qanunazidd hərəkətlərdə günahlandırıb. Bundan sonra Həmzə Əzizov Salyan Rayon Məhkəməsində xüsusi ittiham qaydasında iddia qaldıraraq Zamin Salayevin cinayət məsuliyyətinə cəlb olunmasını istəyib.
AXCP sədri Zamin Salayevdən yazıb
Zamin Salayev: məhkəmə qərar verdi
Zamin Salayev qərarından dönmür
Zamin Salayev 8 kiloqram arıqlayıb
Əli Kərimli: “Biganə qalmamalıyıq”
Zamin Salayev oğluna nədən gileylənib?
Əli Kərimli Zamin Salayevə müraciət edib
Vəkil Zamin Salayevə baş çəkib
“Bu zorakılıq dövlətimizi hörmətdən salır”
Zamin Salayev qərarından şikayət verilib
