Rəqabət məlhəmi
Vətəndaş cəmiyyəti eksperti Rövşən Ağayev Türkiyədə mayın 14-də keçiriləcək parlament və prezident seçkisi kampaniyasının bir məqamına diqqət çəkib. Novator.az-ın məlumatına görə, o yazır ki, kampaniyada ən çox müzakirə olunan mövzulardan biri Azərbaycan üçün də aktualdır: “Söhbət dövlət qulluğuna qəbulda ayrı-seçkiliyə imkan yaradan müsahibə üsulunun ləğvi çağırışlarından gedir. Əsas müxalif blokun planları arasında dövlət qulluğuna qəbulda test imtahanı ilə kifayətlənmək, müsahibə üsulunu ləğv etmək də var. Aprelin 11-də seçki vədlərini açıqlayan indiki prezident də gənclərə eyni vəd verib.
Azərbaycanda da dövlət qulluğuna qəbul test imtahanından və müsahibədən ibarətdir. Seçki rəqabəti Türkiyədə bu şəffaf olmayan mexanizmi tarixə qovuşduracaq. Bizim gənclər həmin siyasi rəqabətin yaranacağı günü gözləməli olacaqlar – əgər bu ədalətsizlikdən, qeyri-bərabər inkişaf mühitindən xaricə köç edib qurtarmasalar”.
