Gələn 1,5 dəfə, gedən 18,3 faiz artıb
2023-cü ilin yanvar-fevral aylarında Azərbaycana 148 ölkədən 232,5 min (ötən ilin eyni dövrü ilə müqayisədə 1,5 dəfə çox) əcnəbi və vətəndaşlığı olmayan şəxs gəlib. Hesabatı Dövlət Sərhəd Xidmətinə istinadla Dövlət Statistika Komitəsi yayıb. Rəsmi məlumata görə, gələnlərin 32,4 faizi Rusiya, 21 faizi Türkiyə, 9,2 faizi İran, 5,7 faizi Gürcüstan, 3,8 faizi Hindistan, qalanları başqa ölkələrin vətəndaşlarıdır.
Xarici ölkələrə gedən Azərbaycan vətəndaşlarının sayının 2022-ci ilin yanvar-fevral aylarına nəzərən 18,3 faiz artaraq 218 min nəfərə çatdığı, onların 39,7 faizinin Türkiyəyə, 22,8 faizinin Rusiyaya, 9,9 faizinin Gürcüstana, 8,4 faizinin İrana, 19,2 faizinin digər ölkələrə səfər etdiyi bildirilir.
