Dövlət xidmətinin yeni binası
Martın 30-u Bakıda, Heydər Əliyev prospektində İqtisadiyyat Nazirliyi yanında Əmlak Məsələləri Dövlət Xidmətinin yeni inzibati binası istifadəyə verilib. Prezident İlham Əliyev binanın açılışında iştirak edib.
AZƏRTAC-ın arayışına görə, hündürlüyü 125 metr olan bina 33 mərtəbədən ibarətdir: “Binanın hər mərtəbəsi digər mərtəbəyə nisbətdə 2,65 dərəcə dönür və nəticədə fasad müstəvisi 90 dərəcəlik burulma effekti yaradır.
İşçi mərtəbələri 254 otaqdan ibarət olan binada 537 əməkdaşın fəaliyyəti üçün şərait yaradılıb. Binada müxtəlif tədbirlərin keçirilməsi üçün konfrans və iclas zalları, həmçinin müxtəlif təyinatlı iclas otaqları, yeməkxanalar var”.
