Dövlət Gömrük Komitəsinin hesabatına görə, Azərbaycan 2023-cü ilin yanvar-fevral aylarında 651,4 milyon dollarlıq qeyri-neft məhsulu ixrac edib. Elektrik enerjisi ixracı 227,2 milyon dollar, meyvə-tərəvəz ixracı 79,8 milyon dollar, plastmas və ondan hazırlanan məmulatlar ixracı 76,3 milyon dollar, kimya sənayesi məhsulları ixracı 54 milyon dollar, alüminium və ondan hazırlanan məmulatlar ixracı 35,1 milyon dollar dəyərində göstərilir.

Novator.az bildirir ki, qeyri-neft ixracının əsas ünvanları belə sıralanır: Türkiyə, Rusiya, Gürcüstan, Qazaxıstan, İsveçrə, Ukrayna, Türkmənistan, Rumıniya, İtaliya, Niderland, Almaniya, Belçika.