Müəllimlərin maaşı yeniləndi
Nazirlər Kabineti dövlət ümumi təhsil müəssisələrində çalışan, bilik və bacarıqlarının diaqnostik qiymətləndirilməsi aparılmış müəllimlərin, həmin müəssisələrin direktor və direktor müavinlərinin aylıq vəzifə maaşlarını yeniləyib. Qərar prezident İlham Əliyevin 23 fevral 2023-cü il sərəncamının icrası çərçivəsində qəbul olunub. Artımlar fevralın 1-dən tətbiq ediləcək.
Novator.az bildirir ki, həftədə 18 saat dərs yükü olan müəllimlərin maaşı belə rəsmiləşir:
pedaqoji stajı 3 ilə qədər olanlar (ali təhsilli 607 manat, orta ixtisas təhsilli 554 manat);
pedaqoji stajı 3 ildən 8 ilə qədər olanlar (ali təhsilli 653 manat, orta ixtisas təhsilli 587 manat);
pedaqoji stajı 8 ildən 13 ilə qədər olanlar (ali təhsilli 686 manat, orta ixtisas təhsilli 607 manat);
pedaqoji stajı 13 ildən 18 ilə qədər olanlar (ali təhsilli 733 manat, orta ixtisas təhsilli 647 manat);
pedaqoji stajı 18 ildən çox olanlar (ali təhsilli 785 manat, orta ixtisas təhsilli 700 manat).
Direktorların aylıq vəzifə maaşı 879 manat, direktorun müavinlərinin aylıq vəzifə maaşı 791 manat olur.
