Hacı Şahin vəfat edib
Tanınmış ilahiyyatçı və ictimai xadim, Bakıdakı Məşədi Dadaş məscidinin axundu, Qafqaz Müsəlmanları İdarəsinin Nəsimi rayonunda səlahiyyətli nümayəndəsi, “Mənəvi Dünya” İctimai Birliyinin rəhbəri Şahin Həsənli martın 2-də qəfil ürəktutmasından vəfat edib.
Şahin Hüseyn oğlu Həsənli (Hacı Şahin) 1974-cü il iyulun 7-si Bakıda doğulub. Azərbaycan Texniki Universitetinin maşınqayırma fakültəsini və Bakı Dövlət Universitetinin tarix fakültəsini bitirib.
1995-1997-ci illərdə cəbhə bölgəsində həqiqi hərbi xidmət keçib.
Şahin Həsənli fərdi qaydada dini təhsil alıb, 1992-ci ildən ruhani fəaliyyəti göstərib.
Ərəb, fars və rus dillərini bilirdi.
Ailəli, dörd övlad atası idi.
Allah rəhmət eləsin!
