Viruslu 3 il
Azərbaycanda koronavirusa ilk yoluxmanın 3 ili tamam olur. Milli hesabata görə, bu müddətdə 828515 nəfər infeksiyaya yoluxub, onların 10118-i vəfat edib, 152-si aktiv xəstədir, qalanları sağalıb.
2019-cu ilin dekabrında Çində üzə çıxıb daha 230 ölkə, ərazi və məkana yayılan infeksiyaya Azərbaycanda ilk yoluxma 2020-ci il fevralın 28-də, xəstəlikdən ilk ölüm martın 12-də qeydə alınıb.
2020-ci il 218700 yoluxma, 2641 ölüm, 2021-ci il 398247 yoluxma, 5717 ölüm, 2022-ci il 209454 yoluxma, 1650 ölümlə bitib.
2023-cü ilin statistikası belədir: yanvar – 1543 yoluxma, 77 ölüm, fevral – 571 yoluxma, 33 ölüm.
2021-ci il yanvarın 18-dən ölkədə koronavirusa qarşı peyvəndləmə aparılır: 5 milyon 404,1 min nəfərə bir, 4 milyon 878,8 min nəfərə iki, 3 milyon 400,1 min nəfərə azı üç, 265,6 min nəfərə pozitiv nəticədən sonra bir doza peyvənd vurulub.
