Britaniya hökuməti klub futbolunu nəzarətə götürür
Böyük Britaniya hökuməti futbol klublarının maliyyə vəziyyətinə nəzarət edən tənzimləyici qurum yaratmağa qərar verib. Novator.az bildirir ki, ölkənin Mədəniyyət, KİV və İdman Nazirliyi fevralın 23-də belə məlumat yayıb.
Plana görə, tənzimləyici qurum İngiltərənin beş yüksək futbol liqasında yeni lisenziyalaşdırma sistemi tətbiq edəcək, həmçinin klub sahibləri və rəhbərlərinin gəlir mənbələri üzrə yoxlamalar aparacaq.
