Əhalinin təbii artımı: hansı bölgələr üstündür?
Dövlət Statistika Komitəsinin hesabatına görə, 2022-ci ildə Azərbaycanda hər 1000 nəfərə 6,2 nəfər təbii artım qeydə alınıb.
Təbii artım göstəricisi doğulanlarla ölənlərin nisbətinə əsaslanır. 2022-ci ildə ölkədə 122846 nəfər doğulub, 60810 nəfər dünyasını dəyişib.
Novator.az bildirir ki, 2022-ci ildə paytaxt Bakıda hər 1000 nəfərə 4,4 təbii artım düşüb. Bu göstərici Naftalan şəhərində 2, Gəncə şəhərində 2,2, Sumqayıt şəhəri və Abşeron rayonunda 3,1, Naxçıvan şəhərində 3,2, Lənkəran rayonunda 4,3, Mingəçevir şəhərində 4,5, Şirvan şəhərində 6-dır.
Bəzi bölgələrdə təbii artım ölkə üzrə göstəricidən xeyli yüksəkdir. Yardımlı rayonunda hər 1000 nəfərə 14,7, Cəlilabad rayonunda 12,6, Xocavənd və Qobustan rayonlarında 12,5, Xocalı rayonunda 12,4, Sabirabad rayonunda 10,9, Biləsuvar rayonunda 10,7, Kəlbəcər və Lerik rayonlarında 10,2, Astara rayonunda 9,8, Şamaxı rayonunda 9,3, Saatlı rayonunda 9,2, Kürdəmir rayonunda 9,1, Yevlax rayonunda 9 təbii artım rəsmiləşib.
