Karantin uzandı
Nazirlər Kabineti koronavirus infeksiyasını cilovlamaq üçün tətbiq olunan xüsusi karantin rejiminin müddətini mayın 1-dək uzadıb. Qərar fevralın 21-də qəbul olunub.
Rejimin martın 1-də başa çatması nəzərdə tutulmuşdu.
2020-ci il martın 31-dən hökm sürən xüsusi karantin rejimi hazırda ölkəyə giriş-çıxışa məhdudiyyət qoyur – quru sərhədlər bağlıdır.
Milli hesabata görə, Azərbaycanda 828395 nəfər koronavirusa yoluxub, onların 10105-i vəfat edib, 145-i aktiv xəstədir, qalanları sağalıb.
2019-cu ilin dekabrında Çində üzə çıxıb dünyanı bürüyən infeksiyaya Azərbaycanda ilk yoluxma 2020-ci il fevralın 28-də qeydə alınıb.
