Xarici səfərə gedənlər 21,9 faiz artıb
2023-cü ilin yanvarında Azərbaycana 131 ölkədən 119,1 min nəfər (əvvəlki ilin ilk ayı ilə müqayisədə 1,6 dəfə çox) əcnəbi və gəlib. Dövlət Statistika Komitəsi Sərhəd Xidmətinə istinadla bildirir ki, gələnlərin 33,8 faizi Rusiya, 21,1 faizi Türkiyə, 9,3 faizi İran, 5,6 faizi Gürcüstan, 3,4 faizi Hindistan, 3,2 faizi Birləşmiş Ərəb Əmirlikləri, 2,7 faizi Pakistan, 2,1 faizi Küveyt, qalanları başqa ölkələrin vətəndaşlarıdır.
Hesabata görə, 2022-ci ilin yanvarına nəzərən xarici ölkələrə gedən Azərbaycan vətəndaşlarının sayı 21,9 faiz artaraq 109,3 min nəfər olub, onların 38,2 faizi Türkiyəyə, 21,7 faizi Rusiyaya, 10,5 faizi Gürcüstana, 9 faizi İrana, 20,6 faizi başqa ölkələrə səfər edib.
