Ölüm halları 22,1 faiz azalıb
2023-cü il yanvarın 1-nə Azərbaycan əhalisinin sayı 10 milyon 127 min 145 nəfərə çatıb (Rusiya hərbi kontingentinin yerləşdirildiyi ərazilərdəki əhali istisna olmaqla). Novator.az-ın məlumatına görə, hesabatı yayan Dövlət Statistika Komitəsi bildirir ki, 2022-ci ildə 122846 doğulan körpə, 60810 ölüm, 61939 nikah, 15983 boşanma qeydə alınıb, 2869 nəfər daimi yaşamaq üçün Azərbaycana gəlib, 1069 nəfər Azərbaycandan gedib.
2021-ci illə müqayisədə doğum və nikahın 8,9 faiz artdığı, ölüm hallarının 22,1 faiz, boşanmaların 5,9 faiz azaldığı vurğulanır.
