İnflyasiya liderləri
Visualcapitalist.com saytı inflyasiya hesabatı yayıb. Novator.az bildirir ki, statistikaya görə, 2022-ci ilin avqust ayına İranda 52,2 faiz, oktyabr ayına Türkiyədə 88,5 faiz illik inflyasiya qeydə alınıb.
Qiymət artımında Zimbabve birinci göstərilir: 269 faiz (oktyabr ayına olan göstərici).
Avqust ayına Suriyada 139 faiz, sentyabr ayına Livanda 162 faiz, Surinamda 41,4 faiz, oktyabr ayına Venesuelada 156 faiz, Sudanda 103 faiz, Argentinada 88 faiz, Şri-Lankada 66 faiz bahalaşma rəsmiləşib.
Dövlət Statistika Komitəsinin açıqlamasına əsasən, 2022-ci ildə Azərbaycanda istehlak qiymətləri 2021-ci ilə nisbətən 13,9 faiz artıb, ərzaq məhsulları, içkilər və tütün məmulatları 19,5 faiz, qeyri-ərzaq məhsulları 8,6 faiz, ödənişli xidmətlər 10,4 faiz bahalaşıb.
