Gültəkin Hacıbəyli bəraət aldı
Nəsimi Rayon Məhkəməsi müxalif siyasətçi Gültəkin Hacıbəyliyə bəraət verib. Novator.az-ın məlumatına görə, hökm fevralın 1-də keçirilən məhkəmə iclasında çıxarılıb.
Gültəkin Hacıbəylini vətəndaş Leyla Arif xüsusi ittiham qaydasında məhkəməyə vermiş, siyasətçinin Cinayət Məcəlləsinin 147.2-ci maddəsi ilə məsuliyyətə cəlb olunmasını istəmişdi. Həmin maddəyə əsasən, ağır və ya xüsusilə ağır cinayətdə ittiham etməklə böhtan atma bir neçə cəza, o cümlədən 3 ilədək müddətə azadlıqdan məhrumetmə nəzərdə tutur.
Leyla Arif bildirmişdi ki, Gültəkin Hacıbəyli “Facebook” şəbəkəsində yaydığı şərhdə onu separatçı adlandırıb.
1973-cü il təvəllüdlü Gültəkin Hacıbəyli 2000 və 2005-ci illərdə Milli Məclisin deputatı seçilib. Demokratik Qüvvələrin Milli Şurasının Koordinasiya Mərkəzinin üzvüdür.
Gültəkin Hacıbəyli niyə saxlanıb?
