Gediş haqları artdı
Tarif (qiymət) Şurasının 31 yanvar iclasında daşıyıcı şirkətlərin müraciətlərinə baxılıb və ictimai nəqliyyatda sərnişindaşıma xidmətləri üzrə yeni tariflər təsdiqlənib (Qərar).
Metroda sərnişindaşıma tarifi 1 gediş üçün 40 qəpik müəyyən edilir.
Tarifin yuxarı həddi şəhərdaxili avtobus marşrutlarında 40 qəpik, şəhərətrafı və qəsəbələr arası avtobus marşrutları üzrə məsafədən asılı olaraq 40 qəpik-1 manat olur (Təfərrüat).
Şəhərlər arası avtobus marşrutlarında isə tarifin yuxarı həddi 1 kilometr üçün 3 qəpik səviyyəsində rəsmiləşir.
Qərarlar fevralın 3-dən qüvvəyə minir.
2018-ci il avqustun 1-dən metroda və şəhərdaxili avtobus marşrutlarında sərnişindaşıma xidmətinin tarifi 30 qəpikdir.
Tarif Şurası dövlət tənzimlənməsi tətbiq edilən qiymətlərə (tariflərə) və xidmət haqlarına məsul orqandır. Quruma iqtisadiyyat naziri sədrlik edir.
