Şəhid zabit vətən torpağında
Azərbaycanın İrandakı səfirliyində terrorun qarşısının alınması zamanı şəhid olan mühafizə xidmətinin rəisi baş leytenant Orxan Əsgərovun cənazəsi yanvarın 29-u axşam Bakıya gətirilib. Paytaxtın beynəlxalq hava limanında səfirliyin təxliyə edilmiş əməkdaşları və onların ailə üzvləri də qarşılanıb. Ümumilikdə 53 nəfərin təxliyə olunduğu bildirilir.
Yanvarın 27-də səhər “Kalaşnikov” markalı avtomat və çoxlu sayda güllə darağı ilə silahlanmış şəxs Tehranda Azərbaycan səfirliyinə basqın edib. Hücumun qarşısının alınması zamanı səfirliyin mühafizə xidmətinin rəisi Orxan Əsgərov həlak olub, iki nəfər yaralanıb. Mühafizə xidmətinin əməkdaşı Vasif Tağıyev əliyalın şəkildə terrorçunun üzərinə atılaraq onu tərksilah edib.
Tehranda Azərbaycan dövlətinə silahlı basqın
