Qazaxıstan prezidentindən seçki fərmanı
Qazaxıstan prezidenti Qasım-Comərd Tokayev yanvarın 19-da parlamentin aşağı palatasının – Məclisin və bütün yerli məclislərin buraxılması ilə bağlı fərmanlar imzalayıb. Məclisə növbədənkənar seçki martın 19-na təyin olunub.
Novator.az bildirir ki, 2022-ci ildə yenilənən konstitusiyaya görə, 98 nəfərdən ibarət Məclis qarışıq (proporsional və majoritar) üsulla seçilməlidir.
2019-cu il martın 20-də ölkənin birinci prezidenti Nursultan Nazarbayev istefa verib, Qazaxıstan parlamentinin yuxarı palatası olan Senatın sədri Qasım-Comərd Tokayev dövlət başçısı kürsüsünə oturub, həmin il iyunun 9-da keçirilmiş növbədənkənar prezident seçkisində qalib gəlib.
2022-ci il sentyabrın 17-də prezidentin səlahiyyət müddəti 5 ildən 7 ilə qaldırılıb, bir dəfədən artıq seçilməyə yasaq qoyulub (əvvəlki normaya əsasən, eyni şəxs ardıcıl olaraq iki dəfədən çox prezident seçilə bilməzdi), sentyabrın 21-də növbədənkənar seçki qərarı verilib. Noyabrın 20-də keçirilmiş növbədənkənar prezident seçkisini Qasım-Comərd Tokayev udub.
Qazaxıstanda ana qanun yeniliyi
