2022-ci ildə ən çox qoyulan adlar
Novator.az Ədliyyə Nazirliyinin saytında 2022-ci ilin populyar adlarının siyahısına nəzər salıb.
Oğlan adları arasında Uğur öndədir: bu ad il ərzində 1984 uşağa verilib.
1824 oğlana Əli, 1718 oğlana Hüseyn adı məsləhət görülüb.
Ən çox qoyulan adların ilk onluğunda Yusif (1624 uşaq), Məhəmməd (1230), Ömər (1107), Raul (1075), Murad (1024), Adəm (848), Tunar (779) adları da var.
Qız adları içində Zəhra liderdir: bu adı il ərzində 1778 uşaq alıb.
Qalan populyar qız adları belə sıralanır: Aylin (1467 uşaq), Məryəm (1456), Zeynəb (1443), Fatimə (1232), Nilay (1210), Mələk (1198), Ayla (987), İnci (967), Nuray (927).
