Karantin qərarı, koronavirus hesabatı
Nazirlər Kabineti koronavirus infeksiyasını cilovlamaq üçün tətbiq olunan xüsusi karantin rejiminin müddətini 2023-cü il martın 1-dək uzadıb. Qərar dekabrın 22-də qəbul olunub.
Rejimin 2023-cü il yanvarın 1-də başa çatması nəzərdə tutulmuşdu.
2020-ci il martın 31-dən hökm sürən xüsusi karantin rejimi hazırda ölkəyə giriş-çıxışa məhdudiyyət qoyur – quru sərhədlər bağlıdır.
Novator.az bildirir ki, milli hesabata görə, Azərbaycanda 825737 nəfər koronavirusa yoluxub, onların 10002-si vəfat edib, 594-ü aktiv xəstədir, qalanları sağalıb.
2019-cu ilin dekabrında Çində üzə çıxıb dünyanı bürüyən infeksiyaya Azərbaycanda ilk yoluxma 2020-ci il fevralın 28-də, xəstəlikdən ilk ölüm martın 12-də qeydə alınıb.
2020-ci il 218700 yoluxma, 2641 ölüm, 2021-ci il 398247 yoluxma, 5717 ölümlə bitib.
2022-ci ilin statistikası belədir: yanvar – 41523 yoluxma, 376 ölüm, fevral – 127200 yoluxma, 683 ölüm, mart – 6262 yoluxma, 275 ölüm, aprel – 630 yoluxma, 17 ölüm, may – 205 yoluxma, 4 ölüm, iyun – 506 yoluxma, 4 ölüm, iyul – 5565 yoluxma, 31 ölüm, avqust – 14599 yoluxma, 57 ölüm, sentyabr – 8003 yoluxma, 112 ölüm, oktyabr – 1818 yoluxma, 27 ölüm, noyabr – 1079 yoluxma, 36 ölüm, dekabr – 1400 yoluxma, 22 ölüm.
2021-ci il yanvarın 18-dən ölkədə koronavirusa qarşı peyvəndləmə aparılır: 5 milyon 395 min nəfərə bir, 4 milyon 875,2 min nəfərə iki, 3 milyon 394,3 min nəfərə azı üç, 264,4 min nəfərə pozitiv nəticədən sonra bir doza peyvənd vurulub.
