Turizm göstəriciləri
Rəsmi hesabata görə, 2022-ci ilin yanvar-noyabr aylarında Azərbaycana 177 ölkədən 1 milyon 458,5 min əcnəbi və vətəndaşlığı olmayan şəxs gəlib: “Onların 27,7 faizi Rusiya, 19,4 faizi Türkiyə, 10,8 faizi İran, 6,4 faizi Səudiyyə Ərəbistanı, 5 faizi Gürcüstan, 3,6 faizi Hindistan, 3,2 faizi Pakistan, 2,2 faizi Birləşmiş Ərəb Əmirlikləri, 1,9 faizi Qazaxıstan, 1,8 faizi Ukrayna, qalanları başqa ölkələrin vətəndaşlarıdır”.
11 ayda xarici ölkələrə gedən Azərbaycan vətəndaşlarının sayı 1 milyon 361,8 min nəfər göstərilir: “Onların 45,3 faizi Türkiyəyə, 17,7 faizi Rusiyaya, 12,8 faizi İrana, 8,5 faizi Gürcüstana, 15,7 faizi başqa ölkələrə səfər edib”.
Bilgini Dövlət Sərhəd Xidmətinə istinadla Dövlət Statistika Komitəsi yayıb.
