Bakıda 33 mərtəbəli hotel
Prezident İlham Əliyev dekabrın 19-u paytaxtda “The Ritz-Carlton Baku” hotelinin açılışında iştirak edib.
AZƏRTAC xəbər verir ki, 33 mərtəbəli hoteldə 190 geniş qonaq otağı, lüks mənzillər, restoranlar, fitnes və biznes mərkəzləri, müxtəlif tədbirlərin keçirilməsi üçün konfrans zalı yaradılıb.
14 mərtəbə hotel otaqları üçün nəzərdə tutulub, 15-ci mərtəbədən başlayaraq rezidensiyalar və mənzillər yerləşir.
Binada toplantıların və tədbirlərin təşkili üçün də şərait yaradılıb, “Şuşa” zalı, “Qarabağ”, “Ağdam”, “Cəbrayıl”, “Qubadlı”, “Tərtər”, “Xocalı”, “Füzuli”, “Zəngilan”, “Kəlbəcər”, “Xankəndi”, “Xocavənd” və “Laçın” iclas otaqları var.
