2023-cü ilin iş və istirahət günləri
Əmək və Əhalinin Sosial Müdafiəsi Nazirliyi 2023-cü il üçün iş vaxtı norması və istehsalat təqvimini təsdiqləyib. Rəsmi açıqlamaya görə, 2023-cü ildə beşgünlük iş həftəsində 240 iş günü, 109 istirahət günü (4-ü bayram günləri ilə üst-üstə düşməsinə görə müəyyən edilən), iş günü olmayan 19 bayram (4-ü istirahət günləri ilə üst-üstə düşən) və 1 Ümumxalq Hüzn Günü var.
Bu günlər iş günü hesab edilmir: 1, 2 yanvar – Yeni il; 20 yanvar – Ümumxalq Hüzn Günü; 8 mart – Qadınlar Günü; 20, 21, 22, 23, 24 mart – Novruz bayramı; 21, 22 aprel – Ramazan bayramı; 9 may – Qələbə Günü; 28 may – Müstəqillik Günü; 15 iyun – Milli Qurtuluş Günü; 26 iyun – Silahlı Qüvvələr Günü; 28, 29 iyun – Qurban bayramı; 8 noyabr – Zəfər Günü; 9 noyabr – Dövlət Bayrağı Günü; 31 dekabr – Dünya Azərbaycanlılarının Həmrəyliyi Günü.
İstirahət günlərinin bayram günləri ilə üst-üstə düşməsi ilə əlaqədar beşgünlük iş həftəsində 3, 4 yanvar, 24 aprel, 29 may, altıgünlük iş həftəsində 3 yanvar, 29 may istirahət günləri olur.
