Platforma mərasimi
Prezident İlham Əliyev dekabrın 13-ü Bakı Dərin Özüllər Zavodunda “Azəri-Mərkəzi-Şərqi” platformasının dayaq blokunun dənizə yola salınması mərasimində iştirak edib.
Xəbəri AZƏRTAC yayıb.
Arayışa görə, dəyəri 6 milyard dollar olan “Azəri-Mərkəzi-Şərqi” layihəsinə yeni dəniz platforması və gündəlik 100 min barrelədək hasilat gücündə digər qurğular daxildir. Layihənin istismar müddəti ərzində ümumilikdə 300 milyon barrelədək neft hasil etmək proqnozlaşdırılır.
“Azəri-Mərkəzi-Şərqi” platformasının dayaq blokunun çəkisi 16 min ton, hündürlüyü 153 metrdir. Qurğuya biri suvurma, biri neft ixracı, biri də qaz ixracı üçün nəzərdə tutulmuş üç dik boru daxildir. Dayaq bloku suyun 137 metr dərinliyində quraşdırılacaq.
