Ölümün rəsmiləşməsi: pozuntu nə məsuliyyət yaradır?
Milli Məclisin 2 dekabr iclasında İnzibati Xətalar Məcəlləsinə dəyişiklik layihəsi son oxunuşdan keçib. Novator.az bildirir ki, məcəlləyə ölümün qeydə alınması qaydasının pozulması üzrə 562-1-ci maddə əlavə edilir. Yeniliyə görə, tibb müəssisəsinin ölüm haqqında məlumatı müvafiq orqana (quruma) dərhal ötürməməsi və ya düzgün olmayan məlumat ötürməsi hallarında vəzifəli şəxslər yüz əlli manatdan üç yüz manatadək məbləğdə cərimələnəcək.
Müvafiq orqanın ölüm haqqında məlumatı informasiya sisteminə ötürmədiyi və ya düzgün olmayan məlumat ötürdüyü hallarda da eyni cərimə tətbiq ediləcək.
