Şakir Yaqubova həsr olunmuş kitab
Mərhum jurnalist, əməkdar mədəniyyət işçisi Şakir Yaqubova həsr olunmuş “Ustadlıq missiyası” kitabı çapdan çıxıb. Kitabda alimlər, Milli Məclisin üzvləri Rafael Hüseynov, Anar İsgəndərov, jurnalistlər Müsəllim Həsənov, Elşən Əliyev, Süleyman Qaradağlı, İmran Bədirxanlı, Hikmət Sabiroğlu, Aydın Can, Zamin Hacının Şakir Yaqubov barədə yazıları, jurnalistin qızı, diplomat Aysel Yaqubovanın atasına məktubu yer alır.
Novator.az bildirir ki, Şakir Yaqubov 1951-ci il fevralın 25-də Astaranın Balaca Şahağac kəndində doğulub. Bakı Dövlət Universitetini bitirib. “Azərbaycan gəncləri”, “Kommunist” (indiki “Xalq qəzeti”), “Həyat” (indiki “Azərbaycan”), “Sirdaş”, “Səhər”, “AFFA news”, “Panorama” qəzetlərində rəhbər vəzifələr tutub, Auditorlar Palatasının redaksiya-nəşriyyat şöbəsinin müdiri, “İqtisadiyyat və audit” elmi-praktik jurnalının məsul redaktoru olub.
8 kitabın müəllifi, 4 kitabın həmmüəllifi, bir neçə kitabın tərcüməçisi, publisistik və elmi-kütləvi nəşrlərin redaktorudur.
Şakir Yaqubov 2022-ci oktyabrın 15-də vəfat edib.
