Səmərqənd sammiti
Noyabrın 11-i Özbəkistanın Səmərqənd şəhərində Türk Dövlətləri Təşkilatının zirvə görüşü başlayıb. Sammitə Azərbaycan prezidenti İlham Əliyev, Türkiyə prezidenti Rəcəb Teyyub Ərdoğan, Qazaxıstan prezidenti Qasım-Comərd Tokayev, Özbəkistan prezidenti Şövkət Mirziyayev, Qırğızıstan prezidenti Sadır Japarov, Macarıstanın baş naziri Viktor Orban, Türkmənistanın sabiq prezidenti, Xalq Məsləhətinin sədri Qurbanqulu Berdiməhəmmədov qatılıblar.
Türk Dövlətləri Təşkilatının əsasını 2009-cu il oktyabrın 3-də Azərbaycan, Türkiyə, Qazaxıstan və Qırğızıstan qoyub. 2019-cu il sentyabrın 14-dən Özbəkistan da qurumun üzvüdür.
Macarıstan və Türkmənistan Türk Dövlətləri Təşkilatında müşahidəçidir.
Səmərqənd sammitində Şimali Kipr Türk Respublikasına da müşahidəçi statusu verilib.
1983-cü ildə qurulan Şimali Kipr Türk Respublikasını yalnız Türkiyə müstəqil dövlət kimi tanıyır.
