Qardaş təbriki
İqtisadçı ekspert, jurnalist Qalib Toğrulun 50 yaşı tamam olur. Qardaşı, iqtisadçı və siyasətçi Qubad İbadoğlu özünün “Facebook” səhifəsində yaydığı təbrikdə qeyd edir ki, Qaliblə uşaqlığı, tələbəliyi, gəncliyi bir keçib: “Bir müddət jurnalistika Qalibi ixtisasından ayırsa da, sonradan iqtisadçı fəaliyyəti ilə özünü ciddi mütəxəssis kimi tanıtdı, qəbul etdirdi. Xüsusilə də vergi işi sahəsində.
Qalib qardaşların ən sevimlisi və hörmətlisidir. Zəngin ədəbi mütaliəsi ilə bəzi yazarlardan, təbabət bilikləri ilə bəzi həkimlərdən savadlıdır.
Sədaqəti, vəfası, təmiz qəlbi, vicdanı, insanpərvərliyi, xeyirxahlığı və ədaləti ilə ailənin ehtiramını, dostların məhəbbətini qazanıb”.
