Azərbaycanın koronavirus statistikası
Novator.az Azərbaycanın koronavirus statistikasına nəzər salıb.
Rəsmi hesabata görə, 2020-2022-ci illərdə ölkədə 823023 nəfər infeksiyaya yoluxub, onların 9940-ı vəfat edib, 340-ı aktiv xəstədir, qalanları sağalıb.
2019-cu ilin dekabrında Çində üzə çıxıb dünyanı bürüyən infeksiyaya ölkədə ilk yoluxma 2020-ci il fevralın 28-də qeydə alınıb.
2020-ci il 218700 yoluxma, 2641 ölüm, 2021-ci il 398247 yoluxma, 5717 ölümlə bitib.
2022-ci ilin göstəriciləri belədir: yanvar – 41523 yoluxma, 376 ölüm, fevral – 127200 yoluxma, 683 ölüm, mart – 6262 yoluxma, 275 ölüm, aprel – 630 yoluxma, 17 ölüm, may – 205 yoluxma, 4 ölüm, iyun – 506 yoluxma, 4 ölüm, iyul – 5565 yoluxma, 31 ölüm, avqust – 14599 yoluxma, 57 ölüm, sentyabr – 8003 yoluxma, 112 ölüm, oktyabr – 1583 yoluxma, 23 ölüm.
Novator.az bildirir ki, 2021-ci il yanvarın 18-dən ölkədə koronavirusa qarşı peyvəndləmə aparılır: 5 milyon 388,9 min nəfərə bir, 4 milyon 870,8 min nəfərə iki, 3 milyon 385,3 min nəfərə azı üç, 262,7 min nəfərə pozitiv nəticədən sonra bir doza peyvənd vurulub.
2020-ci il martın 31-dən xüsusi karantin rejimi hökm sürür. Hazırda ölkəyə giriş-çıxışa məhdudiyyət var – quru sərhədlər bağlıdır.
