9 ayda 8694 cinayət
Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyası doqquz aylıq hesabat yayıb. Rəsmi məlumata görə, 2022-ci ilin yanvar-sentyabr aylarında 8694 cinayət faktı aşkarlanıb, onların 2941-i narkotik vasitələrin qanunsuz satışı, 5286-sı narkotik vasitələrin qanunsuz əldə edilib saxlanması, 387-si narkotik xassəli bitkilərin qanunsuz kultivasiya edilməsi, 80-i bu kateqoriyadan olan digər cinayətlərdir.
Hesabat dövründə 6249 nəfər cinayət məsuliyyətinə cəlb edilib, onların 6079-u kişi, 170-i qadındır.
Cinayətlərin 292-si qrup halında törədilib.
2447 cinayət faktı əvvəllər məhkum olunmuş şəxslərin əməlidir.
Novator.az bildirir ki, Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasına baş nazirin müavini Əli Əhmədov sədrlik edir. Daxili işlər naziri Vilayət Eyvazovun sədr müavini olduğu qurumda Baş Prokurorluğun, Prezident Administrasiyasının, Milli Məclisin, Nazirlər Kabinetinin, mərkəzi və yerli icra hakimiyyəti orqanlarının rəsmiləri və başqaları yer alır.
