Rusiya gəmisində boşalan yer
Arif Hacılı
Müsavat Partiyasının başqanı
Yüz illərdir Rusiyanın Türkiyə və Azərbaycana qarşı hərbi məkan kimi istifadə etdiyi satellit dövlət olan Ermənistan indi Rusiyadan aralanmağa çalışır.
30 il əvvəl ərazilərimiz Rusiya silahı və Rusiya silahlı qüvvələrinin birbaşa iştirakı ilə işğal olunmuşdu.
44 günlük müharibədə erməni silahlı dəstələri ordumuza Rusiyadan hədiyyə aldıqları silahlarla müqavimət göstərirdi.
Ordumuzun zəfər yürüşünün və konfliktin birdəfəlik həllinin qarşısını da Rusiya aldı.
Ermənistan indi çökən Rusiyadan aralanır, həm də yüz illər boyu himayəsi altında olduğu Rusiyanı Azərbaycanın və Türkiyənin ortağı kimi təqdim etməyə çalışır. Bu kampaniyaya bəzi Qərb mərkəzlərini də cəlb etməyə nail olub.
Azərbaycan hakimiyyəti son olaylardan nəticə çıxarmalı, batan Rusiya gəmisində Ermənistanın boşaltdığı yeri tutmağa tələsməməlidir…
