Stokholmda qərar tutan Nobel Fondu oktyabrın 6-da 2022-ci ilin ədəbiyyat üzrə mükafatçısının adını açıqlayıb. Nobel mükafatı fransız yazıçı Anni Ernoya qismət olub. Rəsmi təqdimata görə, Anni Ernonun əsərləri sadə dildə yazılıb, güzəştsizdir, yazıçı özü isə ədəbiyyatın azadlıq gücünə inanır.

Novator.az bildirir ki, 1940-cı il təvəllüdlü Anni Erno Ruan Universitetinin məzunudur. İbtidai və orta məktəblərdə ədəbiyyat dərsi deyib. İlk romanı 1974-cü ildə dərc olunub.

2022-ci ilin tibb üzrə Nobel mükafatı isveçli Svante Paaboya, fizika üzrə Nobel mükafatı Alen Aspe (Fransa), Con Klauzer (ABŞ), Anton Saylinger (Avstriya) üçlüyünə, kimya üzrə Nobel mükafatı Karolin Bertossi, Barri Şarpless (hər iksi ABŞ), Morten Meldal (Danimarka) üçlüyünə verilib.

Nobel mükafatının məbləği 10 milyon İsveç kronudur.