Ağdam səfərində
Prezident İlham Əliyev və birinci vitse-prezident Mehriban Əliyeva oktyabrın 4-də Ağdam rayonuna gediblər.
AZƏRTAC xəbər verir ki, Bərdə-Ağdam avtomobil yolunda aparılan işlərlə tanışlıqdan sonra İlham Əliyev və Mehriban Əliyeva Eyvazxanbəyli kəndində Atçılıq Nəsilartırma Mərkəzinin, Xıdırlı və Kəngərli kəndlərinin, şəhərin daxili yol və kommunikasiya şəbəkəsinin, “City Hotel Agdam” mehmanxanasının təməl mərasimlərinə qatılıblar.
Pənahəli xanın sarayı və İmarət Kompleksində görüləcək işlərlə tanış olan prezident və birinci vitse-prezident Xurşidbanu Natəvanın qəbirüstü abidəsinin açılışında, Ağdam şəhərində inşa olunacaq 470 mənzildən ibarət yaşayış məhəlləsinin, şəhərin dəmir yolu və avtovağzal kompleksinin, rayonun Sarıcalı kəndinin təməl mərasimlərində iştirak ediblər.
