Latviyada seçki
Latviyada oktyabrın 1-də keçirilmiş parlament seçkisinin ilkin nəticələri açıqlanıb. Novator.az bildirir ki, Mərkəzi Seçki Komissiyasının hesabatına görə, proporsional üsulla formalaşan 100 nəfərlik Seymə 5 faizlik səddi aşan 8 siyasi qüvvə düşür.
Baş nazir Krişyanis Karinşin Yeni Birlik Partiyasının 23 mandatla önə çıxdığı xəbər verilir.
Yaşıllar və Kəndlilər İttifaqı 16, Birləşmiş Siyahı və Milli İttifaq blokları hərəyə 13, Sabitlik və Mütərəqqilər blokları hərəyə 10, Öncə Latviya bloku 9, İnkişaf bloku 6 mandatla göstərilir.
